மஹியங்கனை, கபுருகஸ்முல்ல பிரதேசத்தில் உள்ள வீடொன்றில் மனைவியினால் மேற்கொள்ளப்பட்ட கத்திக்குத்து தாக்குதலில் ஓய்வுபெற்ற இராணுவச் சிப்பாய் ஒருவர் நேற்று முன்தினம் (6) உயிரிழந்துள்ளார்.
கத்திக்குத்து தாக்குதல் நடத்திய பெண் 6 ஆம் திகதி இரவு மஹியங்கனை பொலிஸில் சரணடைந்தார்.
உயிரிழந்தவர் இலக்கம் 33/1, கபுருகஸ்முல்ல, சொரபொர என்ற முகவரியில் வசித்து வந்த வை.எம்.எஸ்.கே.ஜெயவர்தன 42 வயதான ஓய்வுபெற்ற இராணுவச் சிப்பாய் ஆவார். அவருக்கு 13 மற்றும் 4 வயதில் குழந்தைகள் உள்ளனர். கைது செய்யப்பட்ட சந்தேக நபரின் மனைவி 39 வயதுடையவர்.
கணவரின் தொடர்ச்சியான அடித்தல் மற்றும் சித்திரவதை காரணமாக, பெண் இவ்வளவு காலமாக அவதிப்பட்டு வந்துள்ளார்.
இராணுச் சிப்பாய் தனது குழந்தைகளுக்கும் மனைவிக்கும் விஷம் கொடுத்து கொல்லப் போவதாக மிரட்டல் விடுத்துள்ளார்.
மனைவியை தூக்கிலிடப் போவதாக ஒருமுறை வீட்டின் கற்றைகளில் கயிறு கட்டியுள்ளார். கயிற்றை குடும்ப உறுப்பினர் ஒருவர் பார்த்து அகற்றினார்.
தனது பிள்ளைகளுக்கும் மனைவிக்கும் கொடுப்பதற்காக விஷப் போத்தலையும் அவர் தயார் செய்திருந்ததாக பிரதேசவாசிகள் தெரிவிக்கின்றனர்.
சில வாரங்களுக்கு முன்னர் மனைவி மீது மேற்கொள்ளப்பட்ட தாக்குதல் காரணமாக உயிரிழந்தவர் பொலிஸாரால் கைது செய்யப்பட்டு மஹியங்கனை நீதவான் நீதிமன்றில் விளக்கமறியலில் வைக்கப்பட்டு பிணையில் வந்துள்ளார்.
பிணையில் விடுதலையாக வந்த பிறகு வீட்டில் இருந்த ஏராளமான பொருட்கள், பிள்ளைகளின் பாடசாலை புத்தகங்களை எரித்துள்ளார்.
இதையடுத்து, தனது பிள்ளைகளையும் அழைத்துக் கொண்டு, மனைவி தனது தாய் வீட்டிற்கு சென்று தங்கியிருந்தார். சில தினங்களுக்கு முன் அங்கு சென்று, மீண்டும் தகராறு செய்ய மாட்டேன் என உறுதியளித்து மனைவி மற்றும் பிள்ளைகளை மீண்டும் வீட்டிற்கு அழைத்துச் சென்றுள்ளார்.
இந்த நிலையில், கடந்த 6ம் தேதி இரவு 10.00 மணியளவில் மனைவியுடன் குடிபோதையில் சண்டையிட்டுள்ளார். தகராறு முற்றி, மனைவியை தாக்கியுள்ளார். கணவரிடம் இருந்து தப்பிப்பதற்காகவும், தற்காப்புக்காகவும் கணவரின் காலில் கத்தியால் தாக்கிவிட்டு, இரண்டு குழந்தைகளுடன் ஓடிவிட்டார்.
சம்பவத்தின் போது வீட்டிற்கு அருகில் உள்ள வீடுகளில் யாரும் இருக்கவில்லை. கத்தியால் குத்தப்பட்ட நபரை மருத்துவமனைக்கு கொண்டு செல்ல யாரும் இல்லாததால், அதிக ரத்தப்போக்கு ஏற்பட்டு வீட்டிலேயே இறந்திருக்கலாம் என்றும், இரவில் கத்தியால் குத்தப்பட்ட நபரை மருத்துவமனைக்கு கொண்டு செல்லும் போது ஏற்கனவே இறந்துவிட்டதாகவும் போலீசார் கருதுகின்றனர்.
சம்பவம் தொடர்பில் பிரேத பரிசோதனை மேற்கொள்ளப்படவுள்ளதுடன், மேலதிக விசாரணைகளை மஹியங்கனை பொலிஸார் மேற்கொண்டு வருகின்றனர்.
கருத்துகள் இல்லை:
கருத்துரையிடுக