சொகுசுப் பேருந்து என்ற படியால் இலகுவாக உட்கார்ந்தும் பயணிகள் சாரதியை நம்பியும் தூங்கி விடுகின்றனர்.ஆனால், கூடிய வேகத்தால் கடந்த மூன்று மாதங்களுக்குள் சுமார் 5 பேருந்துகள் பெரும் விபத்துக்கு உள்ளாகியுள்ளன. 27ஆம் திகதி யாழ்ப்பாணத்தில் இருந்து கொழும்பு நோக்கிப் பயணித்த பேருந்து வீதியில் தரித்து நின்ற டிப்பருடன் மோதி பாரிய விபத்துக்குள்ளானதில் சுமார் 15 பயணிகள் ஆபத்தான நிலையில் கிளி நொச்சி மருத்துவ மனையில் சேர்க்கப்பட்டுள்ளனர் என்று பொலிஸார் தெரிவித்துள் ளனர்.
கடந்த பெப்ரவரி மாதம் 18 ஆம் திகதி வவுனியாவில் இருந்து கொழும்பு நோக்கிப் பய ணித்த பேருந்து ஒன்று விபத்துக்குள்ளானதில் 4 பேர் உயிரிழந்தனர்.அத்துடன், மேலும் பலர் படுகாயம் அடைந்துள்ளதாகப் பொலிஸார் தெரிவித்துள்ளனர்.மஹவெவ, சிலாபம் பகுதியில் வைத்து பேருந்து மின்மாற்றி ஒன்றில் மோதியதால் இந்த விபத்து நடந்துள்ளது என்று பொலிஸார் தெரிவித்தனர்.
கடந்த பெப்ரவரி மாதம் 26 ஆம் திகதி கொழும்பிலிருந்து யாழ்ப்பாணம் நோக்கிச் சென்ற சொகுசுப் பேருந்தொன்று ஏ–9 வீதியின் மாங்குளம் பகுதியில் வைத்து விபத்துக் குள்ளாகியது. இந்த சம்பவத்தில் சாரதியின் உதவியாளர் விபத்து இடம்பெற்ற இடத்திலேயே உயிரிழந்துள்ளதாக தெரிவிக்கப்பட்டது.
கடந்த நவம்பர் மாதம் 29 ஆம் திகதி யாழ்ப்பாணத்திலிருந்து கொழும்பு நோக்கிப் பய ணித்த சொகுசு பேருந்து ஒன்று பாதையை விட்டு விலகி, நீரோடையில் வீழ்ந்து விபத்துக்குள் ளாகியது.
நாத்தாண்டிய வலஹப்பிட்டிய பகுதியில் இடம் பெற்ற இந்த விபத்தில் மூன்று பெண்கள் உயிரிழந்தனர் . மேலும் 19 பேர் காயமடைந்தனர் .இவ்வாறு தொடர்ச்சியாக அதி சொகுசு பேருந்துகள் விபத்துக்கு உள்ளாவதால், யாரை நம்பி பேருந்தில் பயணிப்பது என்று மக்கள் கேள்வி எழுப்புகின்றனர்.
கருத்துகள் இல்லை:
கருத்துரையிடுக